मध्यावधी जयंती उत्सव मंडळातर्फे विद्रोही कवी आणि लेखक प्रा. डॉ. प्रतिभा अहिरे व्याख्यानाचे आयोजन 
प्रशांत गायकवाड
धाराशिव मुरूम – डॉ. बाबासाहेब आंबेडकर यांच्या शिकवणुकीवरील व्याख्यानमालेचे आयोजन करण्यात आले होते. व्याख्यानात प्रा. डॉ. प्रतिभा अहिरे यांनी डॉ. बाबासाहेब आंबेडकर आणि महिला या विषयावर सखोल मार्गदर्शन केले.
कार्यक्रमाच्या अध्यक्षस्थानी राजेश सुरवसे (अतिरिक्त निबंधक सहकारी आयुक्तालय, पुणे) होते आणि प्रमुख पाहुणे मदनलाल गायकवाड होते. आपले विचार व्यक्त करताना डॉ. प्रतिभा अहिरे यांनी महिलांच्या दुर्दशेबद्दल आणि या संदर्भात बाबासाहेबांनी केलेल्या कार्याबद्दल सविस्तर चर्चा केली.
अध्यक्षीय समारोपाच्या भाषणात राजेश सुरवसे यांनी डॉ. बाबासाहेब आंबेडकर यांनी महिलांसाठी केलेल्या कार्यावर सखोल विचार मांडले.
कार्यक्रमाचे संचालन प्रज्ञा कांबळे आणि प्रा. मनीषा कांबळे यांनी केले. प्रा. महेश कांबळे यांनी प्रस्तावना केली तर आभार प्रशांत गायकवाड यांनी मानले.
