ଖପ୍ରାଖୋଲ ୧୬/୫(ଭୋଜରାଜ ବରିହା) ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ର ପ୍ରମୁଖ ପର୍ଯ୍ୟଟନ ସ୍ଥଳି ହରିଶଙ୍କର କୁ ବିଜେଡି ଦଳର ବରିଷ୍ଟ ନେତା ଭି କେ ପାଣ୍ଡିଆନ ଗୁରୁବାର ମଧ୍ୟାହ୍ନ ରେ ଗସ୍ତ କରିଥିଲେ। ସ୍ଥାନୀୟ ଚାରିଚକିଆ ଯାନ ପାର୍କିଙ୍ଗ ଷ୍ଟାଣ୍ଡ ରେ ହେଲିକେପଟର ରେ ଅବତରଣ କରିଥିଲେ । ବରିଷ୍ଠ ବିଜେଡି ନେତା ପାଣ୍ଡିଆନ ଙ୍କୁ ପାଟଣାଗଡ ବିଧାୟକ ତଥା ବିଜେଡି ବିଧାୟକ ପ୍ରାର୍ଥୀ ସରୋଜ ମେହେର , ବ୍ଲକ ଅଧ୍ୟକ୍ଷା ନିରୁପମା ପଟେଲ , ଉପାଧ୍ୟକ୍ଷ ଶୁଖି ରାମ ସାଣ୍ଡ , ବିଜେଡ଼ି ବ୍ଲକ ସଭାପତି ରମେଶ ପଧାନ , ବି ଜେ ଡି ଜିଲ୍ଲା ସାଧାରଣ ସମ୍ପାଦକ ପବିତ୍ର ପଟେଲ ସମେତ ଦଳୀୟ କର୍ମୀ ସ୍ଵାଗତ କରିଥିଲେ । ପରେ ଉପସ୍ଥିତ ଜନସାଧାରଣ ଙ୍କ ସହ ହାତରେ ହାତ ମିଳାଇ ବାର୍ତ୍ତାଳାପ କରିଥିଲେ । ଏହାପରେ କାରକେଡ ମାଧ୍ୟମରେ ମନ୍ଦିର କୁ ଯାଇ ପ୍ରଭୁ ହରିଶଙ୍କର ଠାକୁର ଙ୍କ ଦର୍ଶନ କରି ଆଶୀର୍ବାଦ ନେଇଥିଲେ । ଏହାପରେ ମିଶନ ଶକ୍ତି କାଫେ ରେ ମଧ୍ୟାହ୍ନ ଭୋଜନ ସାରି କିଛି ସମୟ ବିଶ୍ରାମ ପରେ ପାଟଣାଗଡ ଅଭିମୁଖେ ଯାତ୍ର କରିଥିଲେ ।
