મહિલાઓ વિરુદ્ધ હિંસા નાબૂદી અભિયાન
કસ્તુરબા ગાંધી બાલિકા વિદ્યાલય ખાતે “સુરક્ષિત – અસુરક્ષિત સ્પર્શ અંગે જાગૃતિ કાર્યક્રમ યોજાયો
નીલકંઠભાઈ જોષી દ્વારા રાજકોટ
રાજકોટ તા.૦૭ ડિસેમ્બર- મહિલા અને બાળ વિકાસ વિભાગ, ગાંધીનગર દ્વારા તા. ૨૫ નવેમ્બરથી ૧૦ ડિસેમ્બર ૨૦૨૪ દરમિયાન મહિલાઓ વિરુદ્ધ થતી હિંસા નાબૂદી અભિયાન ચલાવવામાં આવી રહ્યું છે. આ અભિયાનના ભાગરૂપે, જિલ્લા મહિલા અને બાળ અધિકારીશ્રી, રાજકોટના માર્ગદર્શન હેઠળ “સંકલ્પ” હબ ફોર એમ્પાવરમેન્ટ ઓફ વિમેન યોજનાના સ્ટાફ દ્વારા તા.૦૬ ડિસેમ્બરના રોજ શ્રી કસ્તુરબા ગાંધી બાલિકા વિદ્યાલય-રાજકોટ ખાતે જાગૃતિલક્ષી કાર્યક્રમનું આયોજન કરવામાં આવ્યું હતું.
આ કાર્યક્રમમાં વિદ્યાર્થિનીઓને “સુરક્ષિત – અસુરક્ષિત સ્પર્શ” અંગે માહિતી આપવામાં આવી હતી.જેમાં ૯૨ થી વધુ વિદ્યાર્થિનીઓને સુરક્ષિત – અસુરક્ષિત સ્પર્શ વિશે વિસ્તૃત જાણકારી આપી, સુરક્ષા માટેના પગલાંઓ અને જો કોઈ અસુરક્ષિત સ્પર્શની ઘટના બને તો વાલીઓ તેમજ શિક્ષકોને જણાવવા સમજૂત કરવામાં આવી હતી.
